عطني من غلاك شوي وبعطيك الغلا كلــــــه *** وبعطيك الخفوق بكل احساسه ودقاتــــــــه
وبنثر كل مافيني على جمر وعلى ملــــــــــه *** وابيك تفوح دلالك على قلبي وجمراتــــــــه
وبعطيك النظر حتى تحكم فيــــــــه وتدلــــــه *** على دربك تنور له وترسم له متاهاتــــــــه
وابيك تشوف كيف الحب لاجاني وش افعله *** امور مااحد قبلي ذكرها في حكاياتــــــــــــه
اهلي به وارحب به واردد ياهلا واللــــــــــه *** هلا باللي لفاني ضيف ونوره يسبق خطاتــه
واذبح له خفوقي ذبح ومن روحي اقدم لــــه *** وقهويه الغلا فنجال يعدل له مزاجاتـــــــــــه
ولكن انتبه واحذر تهين القلب وتذلـــــــــــه *** ترى من باعني بعته ووصلته نهاياتـــــــــه
انا ذاك الحليم اللي اذا جاه الغضب تلــــــه *** وقال ابعد وفك الناس من شري وسطواته
وكانك شاطر بتفهم على قلبي وتوصلـــــــه *** لاحظ وش يبي منك ترى سهله مجاراتــــــه
عطني من غلاك شوي وبعطيك الغلا كله *** وبعطيك الخفوق بكل احساسه ودقاتـــــــــه